عيد الفالنتين بكرة بس بعمان بلش من أسبوع، يعني نفسيا الشعب مستعد يحب ومستني هل اليوم عشان يعبر عن مشاعره. الراديو ما في غير اهداءات Ùˆ ناس “عم تتمنى” يكون فلان ولا فلانة بسمعوها Ùˆ بتروح المذيعة بتضيف اضافة مفيدة جدا “يا ريت يكون عم يسمعنا هلأ ان شالله” . بسألوا أسئلة غبية عل الراديو مرات، مرة وانا بالتاكسي (طبعا مستحيل أسمع راديو الا اذا كنت بتاكسي بمرض بعدين) سمعتهم بقولوا “محمد عم يسأل شو لازم يعمل، عم بقول مرتو بتحكي كل شي لامها Ùˆ هو متضايق Ùˆ مش عارف شو يعمل” يعني ايش متوقع الناس تحكيلوا؟

المهم أنا بصراحة حبيت استعدادات الفالانتين، عنجد مش مزح، حتى أكتر من عيد الفطر. الكوفي شوبس عاملين ديم لايت و حاطين كوشنز على شكل قلوب وكل شي بضوي أحمر من الواجهة للزريعة. الواحد بحس حالو رجع 10 سنين لورا أيام الدباديب و الورد الأحمر من محلات التنزيلات بالصناعية. بس بصراحة الديم . و الأغاني اللي بحطوها بتحرض عل الانتحار! مش فاهمة ليش احنا الأردنيين عنا الحب تعاسة و نكد مش طبيعي

بس جد فالانتين هون حلو، صحيح احنا المفروض ملناش دخل بفالانتين لا من قريب ولا من بعيد بس منعيد في أكتر من صحابو. مش مهم صح ولا غلط، أنا شخصيا مكيفة عل الهبل.