عيد الفالنتين بكرة بس بعمان بلش من أسبوع، يعني نفسيا الشعب مستعد يحب ومستني هل اليوم عشان يعبر عن مشاعره. الراديو ما في غير اهداءات و ناس “عم تتمنى” يكون فلان ولا فلانة بسمعوها و بتروح المذيعة بتضيف اضافة مفيدة جدا “يا ريت يكون عم يسمعنا هلأ ان شالله” . بسألوا أسئلة غبية عل الراديو مرات، مرة وانا بالتاكسي (طبعا مستحيل أسمع راديو الا اذا كنت بتاكسي بمرض بعدين) سمعتهم بقولوا “محمد عم يسأل شو لازم يعمل، عم بقول مرتو بتحكي كل شي لامها و هو متضايق و مش عارف شو يعمل” يعني ايش متوقع الناس تحكيلوا؟
المهم أنا بصراحة حبيت استعدادات الفالانتين، عنجد مش مزح، حتى أكتر من عيد الفطر. الكوفي شوبس عاملين ديم لايت و حاطين كوشنز على شكل قلوب وكل شي بضوي أحمر من الواجهة للزريعة. الواحد بحس حالو رجع 10 سنين لورا أيام الدباديب و الورد الأحمر من محلات التنزيلات بالصناعية. بس بصراحة الديم . و الأغاني اللي بحطوها بتحرض عل الانتحار! مش فاهمة ليش احنا الأردنيين عنا الحب تعاسة و نكد مش طبيعي
بس جد فالانتين هون حلو، صحيح احنا المفروض ملناش دخل بفالانتين لا من قريب ولا من بعيد بس منعيد في أكتر من صحابو. مش مهم صح ولا غلط، أنا شخصيا مكيفة عل الهبل.
Bardo …
Happy valentine’s day to you
على فكرة… انتي كاتبة بالعربي .. يمكن اول مرة بشوفك كاتبة بالعربي..
يا ستي على العموم … كل عام و انتي بخير و عساكم من عواده
وانشالله بينعاد على الامة الاسلامية بالخير و اليمن و البركات
Happy Valentine…
first Arabic post
7eloo ,
wallah yeas as u say .. o 7ata men 2abel one week all in red , offer’s , wajhat al ma7alat all red … yallah today 3andi Full meetings o 3aj2a …
Happy valentine’s
yeah elma7allat a7mar w balaleen w pink ishi abu 7afartal men el a5er
lol I thought I was the only one who thought the whole thing “falla7i”
What do you mean by ‘falla7i’ exactly?
Iman, lol falla7i is anything that is too colorful, bling bling, too bright, any of that in a very tasteless way.
Shaden is racist against Falla7een!
َQwaider, I am falla7a lol I can’t be racist against myself