كان يا مكان اليوم وأنا بتاكسي…
على الصبح وكعادتي ركبت تاكسي وحكيتله “على الدوّار الثالث” . بس اللي لازم تعرفو انّي لمّا دخلت قلتلّه السلام عليكم! والظاهر انّها كلمة سحرية متعارف عليها بين سوّاقين التاكسي. يعني يمكن لو ما حكيتها كان السوّاق اعتبرني فاسقة وريّحني من لسانو.
أنا: ما حكيت اشي بعد السلام عليكم بس عطست! وحكيت بصوتي الواطي الحمدلله
التاكسي: يرحمك الله (بحماسة مش عارفة ليش) وبسرعة مد ايدو يبعبش بين الأغراض على بكيت الفاين.
أنا: يهدينا ويصلح بالكم وصرت أتفرّج عليه وهو عاجق حالو
التاكسي: خدي ياختي (يعني خذي يا أختي في الاسلام). شايفة؟ يعني لو مسيحي، المسيحية بفهموش هدا الحكي، تحكيلو يرحمك الله بعرفش شو يرد، ما عندهم هالشغلة
أنا بعقلي: يييييي علينا! الله يعدّي هالتاكسي على خير
أنا: لأ عندهم، حتّى المش متدينين بحكوا “bless you” يعني فليباركك الرب بالعربي (طبعا أنا صرت أضحك على حالي يعني هو شو فهمو بليس يو ما بليس يو؟ وقال بترجملو اياها زي الصب تايتلز)
التاكسي: يعني قديش مر علي هاي انت أول حدا بسمع منّو هالحكي هاد، هديك المرة على هدا الكرسي (ولمس الكرسي بايدو للتأكيد) طلع معي قس! (يعني ما كنت بدّي أحط بذمتي بس مبيّن الكذب) وعطس والله ما عرق شو يرد عليّه!
أنا صافنة
التاكسي: بعدين المسيحيّة أصلا بيوخدو من الاسلام، لانّه أصلا شو هو كتابهم يعني 50-70 بالميّة منّه مهو محرّف آآآه؟ (طبعا مش رح أضل أكتبلكم آآه بس هو كان بعد كل جملة يحكيلي آآه ؟ ولمّا أطنشوا يحكيلي لدّي عليّ) يعني بطلع معي القس فلان الفلاني (أظن اشي الحدّاد حكى) من السلط من عنّا صار يحكي حكي قلتلّو بتعرف انّو هاي كلها أحاديث شريفة؟ يم نفسها بحكيها. أقسم بالله انّه حافظ آيات قرآنية أكثر من الانجيل. ليش؟ آه ؟ قولي معي! لانّه القرآن ربنا حكى “انّا نحن نزلنا الذكر وانّا له لحافظون” مش بالكتابة!! لأ بالصدور. ولاد صغار خاتمين القرآن كلّه
أنا بعقلي: خلللللللللللللللللللللللللللص! مشان الله! فهمنا انّك مسلم وأنا مسلمة شو بدّك تثبتلي يعني؟
سكت التاكسي شوي وعلّي صوت القرآن على الراديو الحمدلله، وانا هبلة بضل أنسى انّه سواقين التاكسي ايمتا ما انفتحوا ما بسكتوا…
سواق التاكسي رجع تدريجيّا يزت حكي ويخلطه مع آيات حافظها وفجأة بعرفش كيف حكالي هاي القصة اللي أعتقد الها دخل بالآية الكريمة : “لتجدن أشد الناس عداوة للذين آمنوا اليهود و الذين أشركوا ولتجدن أقربهم مودة للذين آمنوا الذين قالوا انا نصارى ،ذلك بأن منهم قسيسين و رهبانا وأنهم لايستكبرون” لأنه سمعلي اياها:
-مرّة طلعت معي بنت صغيرة، بتفهمش شو مفهما البنت، ركبت قدّام (بعدين والله أعلم فكّر وقرّر يضيف ناس تانيين للقصة) وامها بتشتغل مدرسة وين؟ بدير. وركبوا ورا مع الام ولاد صغار. يعني البنت صغيرة ما بتتواخذ يمكن عمرها 12-13-14 يعني مش أكثر من هيك! بس نزلت لقيتها كاتبيتلي رسالة هون على ايد الباب! (أنا بدّي أصرّخ رح أموت) كتبتلي “أنا أكره محمد صلى الله عليه وسلّم” (لا تعليق) تطلّعت هيك بالمكتوب وفكّرت. فكرك من وين جابت هدا الحكي؟! (أنا ما رديت طبعا) آآه؟ (بردو ما رديت) قولي معي من وين؟ من المدرسة! بتعلّموا. السلط ما عي نص بالنص مسيعية ومسلمين (ما فهمت شو دخل هاد بالموضوع) معظم اللي بشتغلوا بالدير مسلمين أصلا…
بعدين لمّا طلع معي القس فرجيتو اياها، قلتلّو شوف اقرا. صار يعتذر هيك ويحكي هدا ما بصار وجهل وما بعرف شو.
واستطرد سوّاق التاكسي قائلا:بعرفوا والله بعرفوا أكثر منّي ومنّك! وجابلي قصة اليهود لمّا حكّمو النبي عليه الصلاة والسلام ورجع يأكد انهم والله بعرفوا كل شي، بعدين اليهود والنصارى بدونوا كل شي!
أنا بعقلي: ارحمني، فهمنا انك حافظ وعالم بالدين
يعني عنجد مش فاهمة، يا عمّي مش شايفني لافة وجهي على الشبّاك وكمان شوي رح أكسرو واطلّع راسي منّو عشان اهرب منّك ومن لسانك؟
وبعدين؟ ايمتا رح اطلّع سيّارة وارتاح، رح يجيني تخلّف عقلي من سوّاقين التكاسي!!
I bet you it’s the same cabbie who told me that “Christianity is peaceful and doesn’t call for killing people like Islam”, he’s Muslim
I say it’s all about the 40 gersh, I mean If your fair is JD1.60 he wants the 40 geersh by sweet talking you.
This video explains it all:
http://www.youtube.com/watch?v=RmbdtBIMQaE
1. If it’s a religious guy, he is religious
2. If it’s some nice girl, he’s Mr.Nice and Shahim
3. and so on
Anyways, before I would have argued wit him : How did she managed to write all that without you noticing? But how stupid I was!
Good story
lol wallah I know!! ma howe hada elli jale6ni, laish el kizib wel ne9ab?! el wa7ad mish 6aye2 7alo khel2a. And yea I thought about that of course, how come he didn’t see her writing down that “letter”? but really no need for details here, its clear as crystal that he’s making up stupid stories to torture me. Believe it or not I didn’t say anything except for the forced “yea” and “aha” when he insisted.
I’m becoming an expert in this, you tell them you live somewhere and they tell you that they live there too, they’ve all been abroad, kulhom jar 3alaihom el zaman, kulhom ma3ahom ma3ahom 3alaihom 3alaihom. I wish they would just shut up. But I have to say that some of them are great people, but the majority get on my nerves. (Some of them are sick bastards too but I’ll leave that for another story)
Eish bnet3alam men el post hada…
Ino iza el wa7ad 3atas juwa el taxi…lazem ye5teser we yenzel !!
ممم مشاء الله متحدث هاد السائق , المهم يختي استفدتي و عرفتي انه في مسحيحية بالسلط , و في منهم بعرفو بالدين اكتر منا وانه الرجال فهمان مش مجرد سائق تكسي
هاد تراث علم , و حضارة ,
بعدين احسن طريقة لهيك شي انه تحكي تلفون مع حدا , المشكلة انتي ما بتقدري تحكي شي الله يعينك ,
انا ما بتفرق بطنشو عينك عينك ,و مرة واحد عصب مني و أل , يا خي ما تتطلع في و انا بحكي معك !!!! اطلعت في التلو عفوا شو حكيت ؟
اشتري سيارة لادا و اخلصي
OMG…I know. Eno, marra I told the cab driver that I study bel US, then he started y7ki eno he has been to NYC and started asking me if I’ve been there, and obviously he has a greencard.
I love our taxi drivers lol
رح يجيني تخلّف عقلي من سوّاقين التكاسي
salamet 2albek
looooooooooooooooooooooool
it’s always fun to read such stories. i don’t think i miss cabbies now that i got myself my car but they’re sure funny i tell u.
i once had a cabbie trying to convert me
Kol ma arkab taxi fe al ordon bad3e malyon marrah eno yekon al shofer akhras la eno 95% menhom bebromo ma3 kol wa7ad be6la3 ma3hom o kolha qesas far6ah :S.
Buy yourself an iPod and use it when taking a taxi
ﻻ تظلق تنقي, انا حاسس انو اخرتك يا توقعي بحب شوفير تكسي يا تفتحي مكتب تكسي
Aaaaaaaaaaaaaah Taxi drivers! You’re lucky you’re a girl and get stories about priests, guys get stories about taxi driver “female conquests”, trust me thats muuuuuuuuuch worse lol
My advice, as soon as you get in the taxi, put your phone on silent and pretend to be making a call, ive done that a couple times when I really wanted to shut the idiot taxi driver up, works like a charm